|
| 澳門之行給我一個難忘的回憶....未出發前, 我是感到一點壓力, 好不願去...但去了後, 才慶幸自己有這體驗...我起初以為是一個公式的會議及研討營.... ...在"真情流露"環節中, 真的有同事抒發內心的不滿感受...做了一整年同事, 現在才有機會作真心的交流, 亦改變我對他們的睇法, 原來他們都有其不為人的難處, 但他們一直屈在心底, 只得繼續撐下去...我突然同情起他們來, 相比之下, 我過去的壓力及辛苦顯得小兒科...這旅程令我學識體恤及欣賞他人....以後我要加倍努力...能力許可的話, 會付出多些... | | |
| 真係唔想洩漏咁多天機...最近有同事成日跟我講命理及相學的問題.... 其實好多人都想知....特別是有兒女的...但以前領教過了....凡是熟人, 特別係有仔女的...免得就免...講個大人既, 幾唔啱聽,佢都唔咁反感, 因為都活咗咁耐,好多事例已驗証到堅定流...但若果講佢既仔女, 即使話幾無所謂, 佢哋會有條刺.....係人都想亦深信自己的仔女是龍是鳳吧!....真係想人指點迷律既, 唯有介紹第三者比佢哋囉....面對陌生人, 又無壓力,又唔你底細, 大家反而會坦誠啲.... 我對命理唔止有興趣...仲意識到自己係有些慧根及悟性, 最重要係....我唔怕衰,面皮咁厚, 又唔怕蝕底...在學習過程中, 自己當然遇到一些所謂神棍啦...但有些所謂神棍又未必存心欺騙...只可能功力未到...又或者係跟錯師父而已....比人搵過笨也無所謂, 是學習的經驗一部分, 繼續學習才能加強日後分辨真偽的能力.... 記得以前有個同事....一起去學習命理...某一堂佢發現師父講錯一些嘢之後, 就斷然話佢無料到,從此不學, 但又無話再尋覓其他高人繼續學習...可以講係半途而廢......自己都從事教學工作, 總認為每位老師都有其可取之處....未學完便咁武斷, 對人家對自己都有欠公道...... | | |
| 個天又試煉我了....近日眼睛發炎, 個樣已經夠衰了, 理應多躱在家中休息, 但不知何解,近日特別多gathering....甚麼聚舊...farewell...總唔可以就咁推掉, 有些人將出國, 日後想補番都無乜機會....唉! 死就死啦...樣衰就樣衰啦....可能自己平日太自大, 成日話自己好"正"...所以, 個天想整鬼我吧!....最頭痛就係, 突然接到一個公務...2日1夜的研討營...唉! 最怕啲人好好心咁慰問我.... 有啲嘢...我唔離開也見不到.... 跟舊校學生聚舊....才發覺自己在他們心中的形象不太差....仲唔止學生, 連老師也懷念我, 我離校這一年, 有好多學生提起我.....這令我有點意外...我一直覺得自己平日太惡, 太講原則...亦深知食了很多死貓, 又常做"衰人"角色....工作咁多年, 總覺得自己唔係果啲逢聖誔節收咭收禮物的受歡迎老師....無論係學生定同事, 跟佢哋好似有道牆咁,有點距離.......呀! 係喇! 對我係有種好欣賞但又有距離的感情吧.....甚至是那些較年青, 遲入職的老師, 我亦feel到佢哋對我的感覺是帶有一種距離的欣賞....反而miss程就比人一個安全而親近的感覺....記得當時有好多新舊同事, 即使唔熟, 都會好主動同佢傾計及呻工作上的問題..... 離校咁耐, 我無再踏足過舊校,亦無出席過舊校任何活動.....總覺得那處地方已不屬於我, 去到又累人家招呼, 徒添別人壓力, 盞麻煩人! 我最怕係煩到人... 得知接我手的新人有好多嘢做......照道理, 她只係接手教全校女生的體育課, 而不應接手晒我所有嘢....因為好多我負責的事務係基於我的post問題....而這個新人要頂手做這些行政事務, 當然又係那些人為的問題啦.....唉! 新人就話唔啫, 你哋班老鬼, 都應該明白啩....做咁耐人, 啲風度及良心去了那裡呀? .....不知是她客氣定係真...接我手的新手想見吓我? 算吧啦! .妳見到我, 只會失望....傳說中的事一定是加入好多幻想及誇張....真實的我一定比你聯想的平凡.....我既不是三頭六臂, 亦沒有特異功能, 我的一切純粹來自經驗及鬥心....假以時日, 妳都可以, 更會青出於藍添.... 已託人傳達我的心聲...勸勉她....雖比人搵緊笨....但又有那個新人不被搵笨呢? ..仍深信上天是公平的, 妳儘管做吧! .....日子有功, 會有回報的...總好過那些事事計較, 永遠原地踏步的人.... | | |
| 個first aid 過咗期好多年, 今晚才去考, 可能隔得太久未考過試了...好似响果度磨咗好耐咁, 好辛苦, 係咁等吓等....考完試都九點幾.....但以前班5A又約咗在大元邨聚舊, 打邊爐...仲話關sir都嚟添....但又真係好夜...又攰...無精力去...下次再補番咪得囉....點知好多奪命追魂call....唉! 一路乘車, 內心都爭扎中...思緒好複雜...班細佬到今日都仲記得自己...等到咁夜都仲等...人家都一樣攰的....內心自責加感激...一於在沙田再"飛的"趕去...比佢哋見吓我一面...講真, 咁夜都食唔落嘢...真係志在見吓! 慶幸自己最終都有赴約...否則我一定好唔安樂...咪當瞓少陣囉....佢哋第二天也同樣有事要做的....何必咁呢?...好彩好彩....無令佢哋失望.....最後都趕到去....見到關sir亦好感動..佢都算係有人情味, 原來佢住觀塘那邊, 都好遠喎!佢都嚟, 好感動... 吹水中....當然又會講吓舊校的新聞啦....我諗好多人在驚嘆事情有如此結局之餘, 一定很好奇...想知離了職的老師有何感覺? 仍在工作中的同工可能會有"守得雲開"的感覺.....期望來年一切有好轉! 但願如此吧!....至於已經離了職的人, 又會否如他們口中----"有否追悔呢?''.....我覺得仍要視乎當初辭職的理由是甚麼才是最關鍵的,每個人背後的理由是不一樣......況且, 一切假設都係假的....真係要到轉咗工才比較到前後的得失......一日未有另一條路擺在你眼前, 一日都係無從比較那條路較好行, 一切都係幻想而已.....我亦好坦白咁跟關SIR分享.....同人唔同命呀! 即使係同樣留在原校, 或是轉校, 各人的際遇亦不同的....佢都好認同..... 回到家....好攰...又收到另一堆舊生, 女子籃球隊的電話...想約我去唱K及吃飯...嘩! 最近究竟發生乜咩事? 乜嘢都堆晒這兩星期既....又係一樣啦...佢哋咁念舊...仲記得搵我...除非係有突發事啫, 應該會去既...但食飯可以, 唱K則免問....人世間咁多樣活動, 最無聊, 最無得着就係唱K, 打麻雀都仲有得着, 起碼都叫用吓腦.....一係連埋玩結他或彈琴咁唱, 都仲有意思.....唱K? 開口唱唱唱....都唔知做乜?....可能係一種最慳水慳力的溝女活動吧!......唉! 都係免事講咁多...佢哋又會話我OUT! | | |
| 雖然放暑假, 但工作仍繼續進行中....教書咁耐...每個暑假都有嘢忙緊... 一直聽聞這間學校的暑期活動係無學生返來參與的,好奇怪! 活動已貼合他們的興趣了, 但又不回來玩, 何解呢?....今次我自己攪了三個活動.....由申請經費,招募參加者到睇場, 我都一腳踢, 我教晒全校, 唔多唔少都略知各人的興趣及潛能, 為免浪費, 我自己事前已個別call學生, 邀請佢哋參加....單靠中央的劃一報名程序是靠不住的!..... 我亦發覺一個現象.....好多學生在放假前已事先張揚, 話佢哋暑假好忙, 又會返工...又做乜....對啲暑期活動好冷淡, 好不屑咁!....但都我暑假打電話比佢哋時, 佢哋大多呆在家中, 好似好得閒咁....我主動叫佢哋返學參與一些活動, 佢哋又ok喎! ....講到尾, 佢哋聽到我叫佢哋玩, 佢哋係開心既....佢哋並非扮大牌, 只係欠缺自信, 想試但又唔知係乜...所以唔敢主動參加.....但當miss刻意解釋及誠邀佢哋, 佢哋會感受到自己的重要性...反而會樂意參加....我敢肯定, 如果每個負責老師都主動提吓學生回來玩, 出席率一定大大提高! 記得以前舊校, 我係無咁肉緊, 去提醒學生回校的, 老是認為學生自身有責任去記牢的,所以呢! 現在才漸漸明白細路仔的心理.....今日我面對的細路, 在他們成長歷程中....屋企係無能力, 亦無意識去裁培他們學乜學物...好多亦因重讀多年而超齡的現實, 磨滅了他們學習其他活動的心, 更遑論佢哋有責任心! ....如果連老師都唔半迫半請的話, 咁佢哋一世都未必有機會發現自己的潛能....所以, 三日前一個提醒, 當日早上又一個morning call, 直至他們對活動產生期望為止....
| | |
|
